فى سابقة من نوعها فى كليتنا العزيزة
استفيد من دراسة منهج
اه بجد استفدت الحمد لله
"بلا تخـــــــطيط حالنا تخبيـــــط "
الجمله دى قالها دكتور عبد العزيز حسن
فى شرح منهج ادارة الاعمال فى الترم الاول رابعة صيدلة
وجتلنا فى الامتحان
أكمل :
أى عمل قائم على غير التخطيط يعتبر .....
تخبيـــــــــــــــــط
الوقت عندنا مورد محدود كلنا بنملك نفس القدر منه
بس مش كلنا عندنا القدرة على الاستفاده منه اواستثماره الاستثمار الامثل
وده لان مش كلنا بيعرف يستغله
الوقت ببساطه لا يمكن تأجيله او تجزئته او تجمعية
وبالطبع لا يمكن شراءه او استجائره
فما مضى لا يمكن ان يعود
وبالتالى للاستفاده المثلى من الوقت علينا ان نخطط جيدا لما ننوى القيام به
ولو كان حتى قضاء الاجازة
هلموا بنا نخطط لها نستمتع بكل لحظة فى حياتنا
واسمحولى اقول هلموا كده فى وسط الكلام :D
طيب سؤال لولبى
هل تمتلك أصلا نوتة او مفكرة تدون فيها مواعيدك
أو حتى تدونها فى ذاكرة الموبايل؟؟
بجد ما أجمل ان تنظر فى قائمة مهامك لتعرف ماذا تفعل ومتى واين ؟؟
الادارة الجيدة لكل موردانا طريقنا للنجاح
بقلمى ..
أمنية ياسر
Omneya
