أنا لسه بشخبط ..

لسه بمسك ورقة وقلم وبشخبط ..

لسه بكتب كلام وارسم قلوب وحروف ..

قلمى غالى وكفى عليه ملهوف ..

بكتب بالرصاص وامسح حسب الظروف ..

لسه برسم طريقى فى الايام ع الورق ..

ولسه ع الهامش بكتب ..جوايا شوية قلق..

لسه حاسة بأمل بيزورنى فى الأحلام ..

لسه شايفاك قدامى ولسه بتألم ..

كل يوم بيفوت بكبر وبتعلم ..

بقول بكرة أحلى وبكرة ليه بيفوت ..

بقول بعده أحلى ..وبإيدى برضه يموت ..

أنا ليه مش سامعة صوت ..

أنا شكلى كنت نايمة وسايبة حياتى تفوت ..

هسيب قلمى الرصاص وهكتب خلاص بالحبر..

مش لسه نونة أنا أو حتى طولى شبر ..

قدامى طريق طويل ميتحسبش بمتر ..

والشمس بتصحينى بتقولى أنا رحت وجيت ..

ردت عليها قلت ..

أنا قمت خلاص صحيت ..وبكرة هيبقالى صيت ..





Omneya ..